【叫人設身處地者，何曾設身處地？】
我發覺好多「中立」嘅中年女士都成日講
「經濟好差」「影響生意」「好多鋪頭執笠啦」
然後我都見過有幾個人留言畀我，不約而同地講：
「你有無諗過啲員工失業好無辜？如果係你父母咁點呀？」
動之以情，忽然替我關心埋我父母嘅就業情況。
你用「如果失業嘅係你父母咁點啊？」嚟加強說服力
同問：「如果陳彥霖係你個女咁點啊？」
「如果尋日尖沙咀畀人打嗰個阿婆係你阿媽咁點啊？」
「如果畀人私刑打，畀人性暴力對待係你家人咁點啊？」
如果有如果，不如同叻哥一齊FF下如果我係一哥？
叫人要設身處地為他人著想之前，你又有無為他人著想？
其實你無非都係想用「如果係你父母」去暗指我自私
但其實你講呢句野時先係最自私啊！
你只不過係偽善地擺出一副「我同情無辜人士」嘅姿態
但實際上你真係關心過其他人飯碗？定係關心緊你自己？
呢個時候仲只係識講「要為父母著想」
我好想問下你有無叫啲父母去為子女、為未出世嘅孫著想？
之前FB見到有個人寫過（Sorly我真係唔記得出處）
佢話：「上一代嘅人口口聲聲話自己辛苦建設香港
但實際上只係一直係度透支緊香港！ 」so fucking true.
上一代以前為三餐努力而無理到政治
為咗掃自家門前雪，而無向政府反抗同爭取
ok fine，但今日你仲想仔女好似自己一樣，
繼續為個飯碗放棄爭取更好嘅未來？做隻快樂的豬？
其實你哋都只係為緊自己著想，從來都無為下一代著想。
我未有仔女我已經幻想緊我唔可以要佢哋出嚟受苦，
但偏偏你哋呢一代就叫我哋算尻數啦，你鬥唔過共產黨！
「努力搵錢有錯咩？搵錢都係畀你買樓結婚，咪又係為咗你」
努力搵錢無錯，從來都無諗住矮化你哋工作嘅努力
我只係想問下：你係咪真係知道自己仔女想要咩？
你嘅仔女唔係想要你幫佢畀首期，
而係想要一個正常樓市，自己都可以負擔到畀到首期。
你嘅仔女唔係想要一個維穩嘅溫室假象，
而係想要一個未來都可以安居樂業嘅家。
你嘅仔女唔係唔想要安穩和平，
而係依家根本唔和平，白色恐怖，年輕人係原罪你知唔知？
你嘅仔女唔係想打爛全部人飯碗，
而係和平爭取過好撚多次啦，有咩用？
最後最撚重要嘅係：「哪裡有壓迫，哪裡就有反抗」
請，請你好好搞清楚因果關係。
如果政府無問題，如果政府肯回應民意，邊個仲要反抗？
今日局面只不過係垃圾政府當權下嘅骨牌效應
要怪就怪林鄭怪共產黨怪呢個軍政府，
我無聽過人會去屌個受害者，叫佢收手啦唔好搞咁多野
而唔係去屌個強姦犯、殺人犯。
P.S 藍絲五毛唔好再留戇尻言論
無point無理性嘅藍色言論見一個block一個
**記得Follow我IG：@hkgirlfriend
FB：港女友
Search